欣宜吻卓羲, 廣管局收投訴

真攪笑, 係剛剛過去的<兒歌金曲頒獎典禮2005>中的環節, 有一幕係需要鄭欣宜吻吳卓羲的壓軸歌舞. 事後廣管局竟然收到54宗市民投訴, 直指這幕親吻場面令人不安、未有顧及觀眾感受以及有貶低男性之嫌! 真係攪笑, 我聽完之後只係覺得D人根本係度玩針對, 係對人唔對事. 雖則我都對欣宜無咩好感, 但都唔好乜都話佢, 針對佢! 何況呢D只係劇情需要, 又無任何暴力同色情情份, 大家都唔洗玩到咁盡掛?

不過...欣宜係犯眾憎就係必然既事事, 我係newsgroup到就搵到以下既改編歌詞:

作詞 : 未知
原曲 : 別怪她
改曲 : 別插她
主唱 : 虛擬膠想

肥姐叫到我難遠走
豬扒殺到我還要受
肥豬 就算再減 仍樣衰到嘔
今鋪我 註定要死 而她未會放手
如放任 仍放任 哪會知醜

#別插她 別插她
患上豬鏈症吧
從遇見的一剎 就給感染嗎
別插她 別插她
讓我孤身上吧
如疫症就快轟炸#

kenny葬禮已成永久
當知道我要陪葬後
晴天 就結了冰 我身心顫抖
怎相信 我別卓西 臨死亦似隻狗
如抱憾 仍抱憾 難過更傷透

別插她 別插她
患上豬鏈症吧
從遇見的一剎 就給感染嗎
別插她 別插她
讓我孤身上吧
難道我願意抱她
repeat#

http://www.sendmefile.com/00065940
都幾佩服D人的急才^^

朱古力掌門人 - Tim Burton

昨日同friend去睇朱古力掌門人, 其實都想睇好耐, 係近排至有時間去睇. 因為本身都幾鍾意呢類奇幻+歷險等炒埋一碟的電影, 再加上Tim Burton導Johnny Depp演, 因此促成我入場睇此片.

所以話Tim Burton怪雞真不愧為怪雞, 係戲內5個小朋友在朱古力廠參觀時不斷消失, 而每次消失後都有一班小矮人出黎唱歌跳舞贈慶, 你都咪話唔騎呢同無厘頭! 可能由頭段到中段你都唔會好知佢想講D咩或想表達D咩訊息. 直至影片最後, 你才會知佢想講既原來係親情的重要, 同埋係想借機會訓導時下年青人的惡習! 真係俾佢睇到我"R"哂頭!?

戲入面我就最鐘意個條真實朱古力河同瀑布, 仲有D松鼠仔, 因我知道入面有30隻係真松鼠, 仲受過半年的專業訓練添! 都咪話唔認真!!!特技我就覺一般, 最差的就係主角們一齊搭電梯週圍走個part, 用特技都做得咁假 同埋到最後你會發覺戲中巴隆小矮人至係成套戲的主角!(你地睇過就知點解架喇~~哈哈)

這套戲我只覺得不過不失, 反而比較喜歡佢之前既Sleepy Hollow同怪誕城之夜, 而黎緊既都幾期待佢套新作 - Corpse Bride.

                           Tim Burton新作 - Corpse Bride

今日心血來潮, 晨早返工前到停車場替我個仔仔拍返幾幅照片以作留存. 以下就係其中影得最好的一幅:

哈哈, 車仔細細, 我幾鐘意佢個車頭個做型架, 放係到可以等我得閒欣賞下 ~~

遲D我得閒仲會幫佢影多D相架, 希望到時有機會再post係我個Blog度

我公司有個女同事叫Ronnie, 今日約左佢個男友食午飯, 到lunch時咁就拿拿聲開開心心地離開寫字樓. 點知轉個頭突然返來, 原來佢左腳隻涼鞋個扣斷鬼左!佢就好鬼尷尬, 一來一時三刻整唔返好, 二來佢又心急趕住同佢男友匯合, 睇見佢個窘樣都真係好好笑(我都覺得自己幾鬼黑心!).

最後佢唯有忍痛cut左隻鞋個條繩連扣, 變成了右涼鞋, 左拖鞋! 咁既著法, 佢都算新潮了!

咁好笑既事, 當然要即刻記低, 留作將來回味之用麻~~^.^

酒店風雲確不同

我是屬於CD-ROM一類, 但近排亦不得不讚一讚無線。睇過近排的酒店風雲後, 真的感到何為劇力萬鈞!

由最初好像忠奸分明的角色(吳卓羲, 郭可盈等是忠的, 馬德鐘是奸的), 慢慢地將劇情推向複雜化, 原本忠的其實都是不忠的!(如吳卓羲千方百計與兩個敗家哥哥聯盟, 郭可盈又原來受衰舅父指使!?), 奸的如馬德鐘變得更奸(還是原來是忠的?真要遲D至知). 戲勢可為一浪接一浪而來, 每晚劇情都非常緊扣, 如少看一集, 分分鐘會使你追不上劇情, 同埋會令你感到非常可惜!!!

所以不得不讚一讚酒店風雲是近來難的時裝劇!(連我十年都唔追電視劇的老豆, 都晚晚返屋企坐定定睇這套電視劇!)可想而知這是一套如何出色的電視節目了!!!

PS 好戲還好戲, 吳卓羲的演技仍然唔掂, 官恩娜初演感覺唔錯, 郭可盈都係個副樣貌, 無進無退, 馬德鐘演奸人都尚算入型入格, 劉丹, 姜大衛, 韓瑪莉依然好戲!

Tonight有久違了的車會聚會

今日出車時發覺副偈有異聲, 攪到我一路駕車時都不知幾咁心驚胆跳!!!好彩一路都無咩事...

另外今日諗住可以同個仔仔扮下靚靚, 點知駕車去到車房至發覺個車房佬同我個仿仿無限鬼罩噴左另一隻色, 攪到我下次又要黎多次...>.<

之後無鬼聊聊唯有去深水埗到洗車, 事後盛惠$60個大洋!都幾貴. 但無計, 今晚要去車會聚會, 隔左成幾個月無出席喇, 今晚一定要到!

約埋另外兩個會仔, 一齊摩摸索到中環皇后碼頭, 跟班會仔吹左陣間水, 取埋會員証就拿拿聲走---緊係啦, 我今晚最主要目的就係取會員証麻~否則遲d去車房為我個仔仔裝添補品時無discount架!