香港新浪網MySinaBlog 精選話題工具
新浪網 - MySinaBlog
寫Blog新趨勢，有佢地教寫無
路華 | 16-Nov-05, 10:46 AM | 寫Blog新趨勢 | (812 Reads)

近日睇過好多不同Sina Blog (全靠Sina個新"分唇" – 隨機網誌), 發覺佢地用CSS改到個版面好靚, 好有心思, 因此我都膽粗粗學佢地去改. 我自己的出發點就唔會話要改得好靚好漂亮, 又或者要點樣跟他們爭妍鬥麗, 只係想自己寫的Blog跟Sina可提供的template有所分別, 因為大家都知佢地原本提供的幾個版面比較普通, 無咩個人風格, 所以我需希望將自己個Blog寫得有自己個人風格便可. 因自己並唔係D好識設計的人, 如果你地對我個Blog的設計有咩意見, 都歡迎隨時通知我, 等我可以作出修改......嘻嘻 Smiley

以下為一些教改寫CSS的Sina Blog, 大家有興趣既都可以去參觀參觀架~~

手作日誌 (藍藍好有心機, 教哂大家點樣改你地個Blog架!)  

零碎角落 (版面很cool的一個網誌)

moliuOLOGY (好多人到訪的一個Blog!) 

CX's Playground (都大家點寫blog)

另外除了好玩的CSS教學外，還有一些Sina Blog是教我們玩一些有趣Blog的技巧~~

D for Differ ( 好漂亮的一個Blog!)

!~深不可測~! (教大家點養雞仔!)

真係好多謝佢地咁慷慨教好似我呢D新手點去寫同點去玩, 其實仲有好多好多的好Blog教我地點樣盡玩盡寫Blog, 但我仲不斷尋覓緊! 如果你地都有教寫Blog的網誌的介紹, 請你留言通知聲我, thanks! Smiley
留言(9) | 引用(0)

海洋公園 – 天倫之夜
路華 | 13-Nov-05, 1:58 PM | 軼事記 | (366 Reads)

又到海洋公園玩!

我都估唔到我係一個月之內會去兩次海洋公園夜場玩. 事緣我女友早排係HA(醫管局)抽中左去海洋公園的門票, 只需以極低價每張飛$60便可購買, 所以就係咁繼上次海洋公園10月中"全城哈咾喂"之後, 我又再次踏入海洋公園了!

昨天我地係4時正就可以正式入場, 但最意想不到的係係金鐘撘巴士到海洋公園個陣時條巴士龍打哂蛇餅, 長到要圍住力寶中心成個圈! 真係誇張. 但當入到去公園後既情況同我上次去的時候就真係有天堂與地獄之別, 哈咾喂之夜個晚成個公園都係人, 講鬼屋, 淨係d機動遊戲都平均每個排成30-40分鐘! 所以個晚只係玩得個2-3個機動遊戲, 真係等到火都離埋; 但昨晚就唔同, 聽講話全場只係得個5000人, 所以真係好free, 全場所有機動遊戲全開. 瘋狂過山車、海盜船、越礦飛車、太空摩天輪、滑浪飛船、動感影院等等等等, 全部可以一玩再玩, 每個遊戲所排的人龍真係短之又短. 反而排得最耐既係摩天輪, 排左起碼20分鐘, 可能特別多家庭陪小朋友一齊玩吧, 其他的遊戲平均都只需5-10分鐘, 有d遊戲直情無人排隊, 要倒轉來等人齊才開動! 另外海洋館同鯊魚館等亦延長開放時間, 大家都可以一家人盡情慢慢參觀. 我地玩到10點半到就巳玩哂全公園的機動遊戲, 跟住係另一邊大樹灣出口離開, 然後撘車再到旺角食埋消夜至各自返歸.

後來聽我女友講原來此活動HA均每年舉辦一次, 活動名稱為"天倫之夜", 而且每次反應均異常踴躍, 所以好似話都會keep進落去攪. 咁我都當然讚成啦! 我真係好耐未試過可以咁樣全程玩盡海洋公園喇, 個一刻既感覺就好似海洋公園係屬於我既, 我可以盡情去玩, 去癲, o黎Ocean Park!

留言(0) | 引用(0)

明報爆炸特急便第二擊
路華 | 07-Nov-05, 6:23 PM | PRM公司趣聞 | (532 Reads)

經過一輪擾攘後, 警車、消房車以及"拆彈車"都相繼離去. 現場又回歸平靜, 只是有小量警察留守門口替出入者登記. 但好攪笑, 警察只是替正門的出入者登記, 但經後門電梯上落的同事, 卻打電話同我報告話完全係自出自入, 無人理佢地?! 又會咁攪笑, 顧前唔顧後, 咁警察哥哥們做事又真係幾兒戲喎~~

最後大廈都總算解封左, 其實最好就封埋明天, 咁我就擺正牌唔洗返工麻 Smiley

今晚大家要留意下新聞報導喇!

留言(2) | 引用(0)

明報炸彈郵件特急便
路華 | 07-Nov-05, 5:24 PM | PRM公司趣聞 | (227 Reads)

路華為你現場直擊爆炸事件

 今次記述既其實都唔算係趣事, 反而係一件幾震撼既大事. 話說係剛剛3點多鐘, 收到公司司機通知, 話公司大廈全座俾警察封鎖, 唔俾佢進入大廈喎! 咁我地就八掛下D咩事咁巴閉? 係窗口望落大廈門口, 有消房車係度, 初時以為係大廈火警, 但卻無消房警鐘鳴響! 點知睇睇下仲有幾架警車黎埋, 仲要加埋一架好鬼奇怪又未見過既警車, 好辛苦至睇到車身英文寫住"Bomb Disposal", 咁咪即係"拆彈車"?! 咁即刻上網摷新聞睇, 先知原來明報收到恐嚇炸彈郵包!!! 詳情如下: 

【 16:23 】 明報就郵包爆炸事件發表聲明 (星島日報 - 港聞)

 

柴灣明報大廈明報編輯部，發生郵包爆炸，一名女職員輕傷。明報編緝部就事件發表聲明，強烈譴責此次暴力行為，並重申捍衛新聞自由是新聞工作者的天職，絕不會因恐嚇而退縮。聲明指，編緝部的秘書在拆開一份送給總編輯的禮品時，禮品盒突然爆炸，冒出一陣濃煙，並傳出一陣焦味，女秘書的下巴輕微受傷送院。爆炸的禮品盒是與一朿鮮花，在下午兩時許送明報編緝部。爆炸發生後檯面佈有灰塵，警方接報到場調查。明報編緝部就事件發表聲明，強烈譴責此次暴力行為，並重申捍衛新聞自由是新聞工作者的天職，絕不會因恐嚇而退縮。明報已知會各部門加強警覺，遇有可疑郵件或禮品，切勿隨便拆啟。

  

跟住仲有最新消息: 

【 16:37 】 明報收到恐嚇信全文 (明報 - 港聞)

柴灣明報大廈明報編輯部，發生郵包爆炸，一名女職員輕傷。明報編緝部就事件發表聲明，強烈譴責此次暴力行為，並重申捍衛新聞自由是新聞工作者的天職，絕不會因恐嚇而退縮。聲明指，編緝部的秘書在拆開一份送給總編輯的禮品時，禮品盒突然爆炸，冒出一陣濃煙，並傳出一陣焦味，女秘書的下巴輕微受傷送院。爆炸的禮品盒是與一朿鮮花，在下午兩時許送明報編緝部。爆炸發生後檯面佈有灰塵，警方接報到場調查。明報編緝部就事件發表聲明，強烈譴責此次暴力行為，並重申捍衛新聞自由是新聞工作者的天職，絕不會因恐嚇而退縮。明報已知會各部門加強警覺，遇有可疑郵件或禮品，切勿隨便拆啟。 

真係咁大個仔都未預過D咁激既事呀~~~希望快D搵到個兇手啦~~香港係一個新聞言論自由既地方黎架麻, 唔可以俾佢發生D咁既事既Smiley

留言(0) | 引用(0)

食<金枝慾孽>水尾的<胭脂水粉>
路華 | 04-Nov-05, 12:00 PM | 影視大評激 | (328 Reads)

三色台台慶劇 - 胭脂水粉

其實對呢套劇無咩想特別評論, 原因是這套劇只係無線翻炒舊作, 將一D冷飯菜汁翻炒翻熱後換過隻新碟又擺上枱罷了.

睇得出編劇們好明顯係想食之前金枝慾孽的水尾, 再搵黎姿做膽, 拖商天娥、蒙嘉慧、陳豪等再下一城, 但今次的如意算盤卻打不響. 劇情老套陳舊, 了無新意. 大家族中的勾心鬥角, 雖則這類型的橋段永遠都有捧場客, 但卻覺得這個祝家家族大極有限, 來去都係得個幾丁友你算我, 我算你, 但箇中的恩怨鬥爭及卡士陣容, 卻又不及金枝慾孽. 黎姿的戲演得不過不失, 盧婉茵飾演見風轉舵的亞姨尚算入型入格, 商天娥飾演的二嫂D戲就真係奸得好浮誇, 反而陳鴻烈所飾的大伯卻演得不錯, 不怒而威, 完全盡顯一家之主的風範. 其他如蒙嘉慧、陳豪等的戲都尚可, 但我反而覺得"秀才遇著兵"中的陳豪更能帶出驚喜; 向海嵐就真係無咩野好講喇. 而那個飾演四小姐的曹敏莉就更加乏善促陳, 背得出對白又做不到表情, 真係睇佢都睇到我"炆", 好彩佢都有自知之明, 聽聞佢遲D會回歸校園讀書, 咁咪好law~ 咁樣對你好, 對觀眾好, 對大家都好!

都唔想再寫太多野喇, 套劇巳經夠悶, 費事大家係到愈睇愈悶. 一句講哂, 此劇欠誠意, 又無新鮮感, 無線成日諗住食住呢類好似金枝慾孽般爾虞我詐的倫理劇條水, 雖則此類劇種係幾吸引人, 但卻墨手成規, 無甚新意, 就咁諗住一本通書用到老? No Way!Smiley

 PS 黎姿真係唔好再唱歌罷, 真係好難聽呀~~~~

 
留言(3) | 引用(0)

眾裏尋
路華 | 31-Oct-05, 9:23 AM | 心情日誌 | (203 Reads)

昨日上午係屋企打機, 打到3點幾好鬼死肚餓, 所以不情不願咁落街食野, 食飽後見4點零鐘, 見仲有時間, 不如到久未幫襯過既圖書館一敞. 咁去到行左幾圈, 搵極都搵唔到"陶傑"既散文集或著作, 又用過電腦查詢, 點知搜尋結果出現d唔係我原本想搵個個"陶傑"Smiley，加上又差唔多夠鐘close, 咁就唯有求其係架上借本教英文的"美妙英語小故事", 點知返到屋企一睇本書個作者, 竟然係我搵左好耐既"陶傑"!!! 所以話呢, 世事真係好奇妙, 有d野當你係身邊不斷咁搵, 不斷咁搜尋都找不到時, 但冥冥中上天好似自有安排一樣, 會製造緣份, 讓佢係你身邊突然出現! 現實中常常都會有咁既事發生, 真係不由你不信...

留言(0) | 引用(0)

老套戲名 – 再說一次我愛你!?
路華 | 28-Oct-05, 3:26 PM | 影視大評激 | (241 Reads)

再說一次我愛你 - 又係劉德華做主角

昨晚放工後同女友食飯, 之後睇戲. 其實唔係幾想睇, 因近排無咩大片上畫, 大製作如要到聖誕至有得睇、<魔法王國納尼亞: 獅子、女巫、魔衣櫥>都要年尾才上畫. 所以諗住睇Tim Burton套<怪誕屍新娘>, 點知女友話唔鍾意, 一定要睇劉華套<再說一次我愛你>, 真係無奈...Smiley

我本身對<再>呢類型既電影無咩興趣, 當我睇完成套片之後, 結果答案都係一樣. 先撇開眾演員的演技, 編劇其實頗不濟, 劇情給我的感覺是有點老套同牽強. 紫晴(亞Sa飾)既老公高醫生(劉德華飾)跟謝婉深(楊采妮飾)的老公Derek(劉德華分飾)竟然差不多一模一樣, 連聲線都是同一個tone, 世界上都真係幾難搵到.  此位使我投入感大減, 我自己都幾難搵到另一個女人會錯認我係佢老公, 仲要陪我玩咁耐!(但如果你地竟然真係有咁既奇遇, 唔該第一時間通知我, thanks!)

劉德華配Twins既Sa, 雖然有新鮮感, 但同時亦覺得係亞爸同亞女的感覺(極其量都係亞哥同亞妹!). 我並不是一個電影製作者, 亦不是一個專業影評人, 只是以一個觀眾的角度來看. 睇得出導演在拍攝上很花心思, 用了很多拍攝技巧, 用了不少慢鏡製造震憾的效果. 全片悶場雖然不多, 但對我來說巳經非常足夠, 不能再多的了! 我女友則一路睇一路反駁:『係醫院唔會就咁推條屍出黎, 係一定會俾親人看死者最後的一面架; 病人連喉嚨都插埋氧氣喉, 唔好話講說話, 連聲都開唔到啦! 插哂喉仲點會留係CCU(心臟深切治療部)呀?晨早推左入ICU啦(深切治療部)!』雖則佢不停咁駁嘴, 但佢最尾都係眼濕濕離場, 而且不只佢, 我發覺好多同場女仔散場時都"Fat Fat"聲, 可想而知呢套戲確係打動左D女fans的心坎中......(但並不包括我)

劉德華情深款款的樣子, 見慣見熟, 話哂都係影帝麻, 但表現較<童夢奇緣>略為遜色; 亞Sa做返佢自己細佬女的角式, 頗稱職(咁即係無乜演技); 楊采妮則屬一般, 無驚無喜, 做返自己. 老實說句, 主角如果唔係劉德華、亞Sa同楊采妮, 換著其他次一兩級數的演員來演, 真的, 我女友都唔洗迫我陪佢睇呢套戲......Smiley

PS 劉華係戲入面所玩的魔術都真係幾入門級, 其中玩啤牌的魔術連我都識玩, 跟馮德倫玩的魔術級數仲爭好遠, 唔該劉生如果真係有興趣玩魔術就真係俾D心機學, 唔好樣樣都學得個半桶水就算, 拜托哂!

 
留言(3) | 引用(0)

<戇夫成龍>後繼劇 – 阿旺新傳
路華 | 27-Oct-05, 11:25 AM | 影視大評激 | (344 Reads)

阿旺新傳再創三色台神話?

初聽<阿旺新傳>這套劇名的時候, 令我聯想起金庸筆下的名著 - 古有<雪山飛狐>配<飛狐外傳>;今有<戇夫成龍>配<阿旺新傳>, 都幾攪笑. 但<雪>及<飛>的內容是有關連的, 但現今<戇>劇及<阿>劇除了主角及一些配角跟之前同名字外, 其他劇情及角色都是全新制作的. 咁當然, 郭晉安所扮演的丁常旺乃此劇賣點, 而且無線仲落埋order要佢繼續扮弱智, 用返之前<戇>劇的口音同低B動作.

主線劇情都係講阿旺同阿鳳的感情由姐弟情轉到無哂感情, 再由無感情發展到最後終成眷熟. 郭晉安扮演阿旺的弱智青年仍然手到拿來, 看來扮弱智真係佢既強項, 而且今次係時裝劇的關係, 佢扮演既阿旺比<戇>劇時更放、更盡、更惹笑. 宣萱仍然做返佢之前既阿鳳, 與<戇>劇時的比較不見得有進步, 始終覺得佢做戲時只係識得鄒哂眉, 得個幾個眼神同表情, 巳經睇到奄悶; 相反D綠葉就非常搶戲 - 盧菀茵的慳家慈母, 郭鋒"拿拿地"的做型, 湯盈盈的潮爆醜女look, 還有不得不讚就係許紹雄的攪笑角色, 明顯他的戲份巳較<戇>劇時為多, 他一出場就永無悶場, 真係俾佢笑到我全家轆哂落地(其實仲有D角色未出場, 可能佢地仲更加搶戲).

其實最初對此劇並沒有太大興趣, 只因此劇太過著重用"丁常旺"來宣傳, 俾我太重<戇>劇的影子. 過往無線如果特別為了一個受歡迎的角式而去編做劇集, 倒頭來結果大都強差人意. 但當我看多此劇幾集後, 由最初討厭郭晉安的低B冬菇頭造型, 到現在巳經接受(起碼不再討厭). 最緊要係我巳經用另一種心態去看此劇 - 當此劇是一套全新獨立的劇集, 不再與<戇>劇掛勾 - 咁你就會睇得好開心, 而且會發覺呢套其實係一套極度時裝爆笑喜劇添! Smiley

 
留言(3) | 引用(0)

Free Week
路華 | 26-Oct-05, 6:24 PM | 軼事記 | (156 Reads)
呢個星期係我的Free Week, 因為我媽媽去了澳洲旅行! 成個星期都唔洗俾佢聽佢D"煩音", 真係諗起都偷笑 Smiley 不過係呢段放監的期間仍然要照顧我老豆同我細妹的起居飲食, 但我老豆通常都無咩點理會我地, 加上佢星期四都返埋大陸玩, 咁就更加唔成問題啦~~~ 講咁耐我點Free點Free, 咁究竟我會點Free法呢? 咪就係每晚放工後即刻返屋企打機打到凌晨點幾鐘都唔訓個隻, 所以結果我係換黎兩個大大的黑眼圈 – 絕種熊貓 Smiley
留言(0) | 引用(0)

玩極都玩唔完 – E680i – 俾佢玩返轉頭
路華 | 21-Oct-05, 6:31 PM | 軼事記 | (278 Reads)

呢幾日好”炆憎”, 因為俾部E680i激親. 點激法? 事緣因E680i好似成部PDA電話咁, 好鬼多function玩, 上網可以搵到好多有趣野玩: 如換theme, 單撈java games, 轉wallpaper, 又可播mp3, 亦可係電腦上轉換video放在手機上播, 總之好鬼多野玩, 更可裝loader玩GBA的遊戲, 終極更能用telent的方法去修改部電話setting添(E680i係用Linux做OS), 真係未出發, 先興奮 Smiley

但係經過我多方面對部電話作出不斷的嘗試, 安裝, 反安裝同install埋D不知名software之後, E680i巳變得極不穩定, 最近仲hang埋機, 當開啟某些軟件時會顯示不能開啟的訊息, 而且變更鈴聲及轉換wallpaper等的setting都唔俾我做!!! 真係激死, 攪左幾日, reset過部機又唔得, 睇黎最終要返去Motorola原廠俾佢地維修至得...Smiley

所以藉此奉勸各位, 如果想買E680i手機, 一定要買行貨, 否則好似我咁樣玩部機法, 就算先達聖手都未必攪得掂, 行貨維修時就算整唔返都可以有權嘈到佢拆天, 就算唔換到部新既機都可以屈佢地其他野麻, right?

但總括來說E680i係一部唔錯既pda手機, 二千零蚊有咁既野玩, 仲想點呀!?

留言(0) | 引用(0)

Previous Next